తెలుగు తెరకి మరో కొత్త వారసుడు!

టాలీవుడ్ సిల్వర్ స్క్రీన్ మీదకి మరో నట వారసుడు రాబోతున్నాడు. అతనెవరోకాదు.. బుల్లితెరపైనా.. వెండితెరపైన తనకంటూ ఓ గుర్తింపును తెచ్చుకుని ప్రస్తుతం ‘మా’ మూవీ ఆర్టిస్ట్ అసోసియేషన్ అధ్యక్షుడుగా ఫుల్ బిజీగా ఉన్న శివాజీరాజా తనయుడు విజయ్ రాజా.

అంతేకాదు, విజయ్ రాజా హీరోగా ఒక సినిమా పూజా కార్యక్రమాలు కూడా బుధవారం జరిగిపోయాయి. డెబ్యూ డైరెక్టర్ రమాకాంత్ రూపొందించే ఈ సినిమాకి ‘ఏదైనా జరగొచ్చు’ అనే టైటిల్ ఖరారు చేశారు కూడా.

కొత్త హీరో, కొత్త దర్శకుడితో తెరకెక్కబోతోన్న ఈ సినిమాలో హీరోయిన్ ఇంకా పైనల్ కాలేదు. త్వరలోనే పూర్తి వివరాలు ప్రకటిస్తామని మూవీ యూనిట్ అంటోంది. ‘బిగ్ బాస్ 2’ షోకి సంబంధించిన ప్రోమోల ద్వారా ‘ఏదైనా జరగొచ్చు’ అనే మాట బాగా పాప్యులర్ అయిన సంగతి తెలిసిందే.

Related News