మన తెలుగు కళాకారులకు ఏమైంది.. ఏం మాయరోగం దాపురించింది? చేవ చచ్చిపోయిందా..? అంటూ టీడీపీ నేత బాబూ రాజేంద్రప్రసాద్ చేసిన వ్యాఖ్యలపై టీడీపీ నేత.. ఎంపీ మురళీ మోహన్ తీవ్రంగా స్పందించారు. సీఎం చంద్రబాబు జరిపిన టెలికాన్ఫరెన్స్‌లో బాబూ రాజేంద్రప్రసాద్‌పై సీఎంకు ఫిర్యాదు చేశారు. ప్రత్యేక హోదా విషయంలో సినీ రంగంపై బాబూ రాజేంద్రప్రసాద్‌ వ్యాఖ్యలు నాతో సహా పరిశ్రమలోని అందరికీ బాధ కలించాయని తెలిపారు. రాజేంద్రప్రసాద్‌ వ్యాఖ్యలు నాకు తెలియదన్న సీఎం చంద్రబాబు.. రాజేంద్రప్రసాద్‌తో తాను మాట్లాడతానని మురళీ మోహన్ కు తెలిపారు.