India / General
ఇండిగో మళ్ళీ బుక్కయ్యింది! ఈసారి తప్పెవరిదంటే..

టైం బ్యాడ్ అంటే ఇదేనేమో! వరుస అభియోగాలతో ఇప్పటికే తలకొట్టేసినట్లయిన ఇండిగో ఎయిర్ లైన్స్ మళ్ళీ తలదించుకోవాల్సి వచ్చింది. ఢిల్లీ ఎయిర్ పోర్ట్ లో ఇండిగో విమానం దిగిన ఒక మహిళ వీల్ చైర్ లోంచి జారి కింద పడిందట. ఆదివారం ఉదయం జరిగిన ఈ ఘటనలో స్వల్ప గాయాలతో బైటపడ్డ ఆమె ఈమేరకు ఫిర్యాదు కూడా చేసింది. ఇది పూర్తిగా ఇండిగో స్టాఫ్ నిర్లక్ష్యం ఫలితమేనని 'ఎయిర్ పోర్ట్స్ అధారిటీ ఆఫ్ ఇండియా' చివాట్లు పెట్టేసింది.

కానీ.. నేల మీద పరుచుకున్న గడ్డి వల్లే వీల్ చైర్ పక్కకు ఒరిగిందని, ఇందులో తమ సిబ్బంది తప్పు ఏమీ లేదని ఇండిగో స్పోక్స్ పర్సన్ ఊర్వశి పరేఖ్ సంజాయిషీ ఇచ్చారు. సంస్థ తరపున బాధితురాలికి క్షమాపణ కూడా చెప్పుకున్నారు. గతంలో స్టార్ ఒలంపియన్ పీవీ సింధు చేసిన కామెంట్, ఆ తర్వాత మరో ప్యాసింజర్ మీద గ్రౌండ్ స్టాఫ్ ముష్టిఘాతాలకు దిగడం లాంటి ఘటనలతో 'దోషి'గా నిలబడ్డ ఇండిగో ఎయిర్ లైన్స్ కి ఇది మరో తలఒంపుల కథ!

 

Read Also

 
Related News